Síðasta mánuðinn er ég búin að reyna að halda í jákvæðnina og hugsa "peningar eru bara peningar" - "þetta reddast" - "það er skemmtilegra að læra í útlöndum" - "hafragrautur er ekki svo slæmur" en núna blöskrar mér hreinlega. Vitiði hvað ég fæ fyrir áttatíuþúsundkrónurnar mínar sem LÍN er svo yndislegur að lána mér um hver mánaðarmót? 4.981 d.kr.! Jahh ef krónan er ekki búin að vera þá veit ég ekki hvað.
Ég sendi hér með uppskrift til allra LÍN-þega sem búa erlendis, nei ég meina ég sendi þetta á alla LÍN-þega. Megi gulrótarsúpan ylja ykkur á þessum síðustu og verstu...það skal tekið fram að þetta er með bestu og ódýrustu réttum sem völ er á. Verði ykkur að góðu.
Gulrótarsúpa med broddkúmeni
600 gr. gulrætur, skrallaðar og skornar í litla bita
1 stór laukur, hakkaður
3 lárberjablöð
2 tsk hvítlaukur, hakkaður
1 msk engifer, hakkað
2 tsk broddkúmen
1 ltr grænmetiskraftur
3 msk lime- eða sítrónusafi
1-1/2 tsk salt
1-1/2 tsk nýmalaður pipar
3-4 msk olía til steikingar
Til að bragðbæta og skreyta með:
Sýrður rjómi
ferskur kóríander
Laukur, lárberjablöð, hvítlaukur og engifer er steikt í ca. 2 mín í olíu í potti með þykkum botni. Gulrótunum er bætt í ásamt broddkúmeninu. Þetta steikt í ca. 3-4 mín og hrært á meðan. Grænmetiskraftinum er hellt á, lok sett á pottinn og súpan látin sjóða í 10-12 mínútur - eða þar til gulræturnar eru orðnar linar. Þá eru lárberjablöðin tekin úr og súpan látin kólna smá og síðan mixuð í matvinnsluvél eða með töfrasprota.
Í hverja skál sem borin er frá er sett smá "dash" (elska þetta orð!) af sýrðum rjóma og kóríanderblöð þar oná. Mmmmmmmmmmmmmmmmmmmmm...prófið þetta.
Súpan er líka kjörin til að frysta. Ég mæli með því að geta tekið einn súpuskammt út eftir erfiðan vinnu- eða skóladag.
Knus og krammer,
Hulda
Subscribe to:
Post Comments (Atom)
2 comments:
uuummmmm!! þetta lítur vel vel vel út:D:D ég er einmitt búin að vera að leita mjög lengi að góðri gulrótarsúpuppskrift og þarna kemur hún bara á silfurfati til manns.
Þetta er hræðilegt með krónuna og námsmenn erlendis, við vorum bara að tala um þetta síðast í gær hvað þið verðið fyrir mikilli tekjuskerðingu! Það er allt að fara fjandans til..en það er nú svosem í lagi, þegar maður hefur góða súpu hjá sér í skál!
en 4000kall er fjandinn hafi það ekki upp í nös á ketti..ekki dog ass shitt..Ást af klakanum!
Blessunin.
Mér líst ekki á blikuna. Þú getur ekki lifað á gulrótasúpu eða hafragraut að eilífu. Það þarf einhverjar róttækar aðgerðir þér til bjargar...verst að ég veit ekki alveg hvað skal gera...leyfðu mér að hugsa
Post a Comment