Komin heim heil á höldnu...

Jæja nú er ég komin heim. Reif mig upp klukkan sjö af því ad skólinn byrjaði klukkan átta...eða það hélt Hulda allavega. Ég elska hvað ég er alltaf med hlutina á hreinu. Sit núna og dreg ýsur hérna við lyklaborðið og hugsa mér til skelfingar að ég gæti legið heima í bólinu! Arg. En jæja tíminn byrjar eftir klukkutíma...

Mig langar aðeins ad segja ykkur frá ferðalaginu mínu í gær. Unaðslegt ferðalag ad sjálfsögðu. Byrjaði þannig að ég vaknaði klukkan 10, morgunhress að vanda og ekki laust við að alkóhólið í blóðinu væri enn til staðar. Þynnkan ágerðist því miður með hverri mínútunni sem leið þannig að í fluginu var hún í hámarki. Lenti við hliðina á Gilzenegger tvö, Dana sem var í mjög þröngum Bláa lóns bol, með tveggja daga skegg og snyrtar neglur...næs týpa! Við byrjum eitthvað að spjalla og hann fer að tala um ferð sína og vina sinna á strippbúllu kvöldið áður og sýnir mér visanóturnar frá ferðinni...FLOTTUR! Ef einhver strippklúbbs fari les þetta blogg þá vil ég vinsamlegast benda á að það sem kostar að gefa einni svona "bunny" kampavín get ég næstum lifað á heilan mánuð! Kannski að ég fari bara í strippið?
Við áttum það þó sameiginlegt að dorga aðeins í flugvélinni...ég lá þó ekki andvana alla nóttina(...dorga og andvana...æji töff kona sem sagði þetta, mjög töff, alveg pastalita töff, þess vegna vildi ég herma).
Við lentum í DK klukkan sex og ég var ekki komin heim til mín fyrr en tveimur og hálfum tíma síðar sökum langrar biðar eftir töskum og óheppni með samgöngur. Æðislegt!

Vil annars þakka Bárunum á Bárugötunni fyrir unaðslega helgi...laugardagskvöldið var toppurinn!